#Кыскача яңалыклар 10 ноябрь 2020, 15:08

Гражданнарны судсыз гына банкрот итеп тану мөмкин булды

10 ноябрь 2020, 15:08

Гражданны судсыз гына банкрот итеп тану хезмәте хәзер күпфункцияле үзәктә күрсәтелә. Бу хакта журналистларга Татарстанда дәүләт һәм муниципаль хезмәтләр күрсәтә торган күпфункцияле үзәк директоры Ленара Мозаффарова сөйләде.

Скопировать ссылку

“Әлеге мөмкинлек 2020 елның 1 сентябреннән барлыкка килде. Ләкин теләсә кайсы гражданин банкрот булып таныла алмый. Аның билгеле бер шартлары һәм таләпләре бар”, - ди Ленара Мозаффарова.

Беренчедән, бурыч күләме 50 мең сумнан ким булмаска һәм 500 мең сумнан артмаска тиеш. Икенчедән, гражданинның яшәү урыны Татарстанда теркәлүе шарт. Өченчедән, бурыч күләмен теркәп, кредит бирүчеләрнең исемлеген тәкъдим ителү сорала. Дүртенчедән, гражданинның милке булмау мәҗбүри шарт, анысын үзәк хезмәткәрләре суд приставлары хезмәте сайтында тикшерә. Гражданинны банкорт итеп тану хезмәте бушлай күрсәтелә. Хәзерге вакытта бу хезмәт буенча 1512 кеше мөрәҗәгать иткән. Аларның 10сы гына барлык таләпләргә туры килгән.

Эльвира ШАКИРОВА

Кызыклы яңалыкларны күзәтеп бару өчен Т елеграмга кушылыгыз.

#банкрот #МФЦ