Гүзәл Уразова ярдәм сорый

Әлегә ул нинди һөнәр сайлаячагын төгәл генә белми икән. Шуңа бәйле рәвештә, Гүзәл Уразова инстаграм дусларына мөрәҗәгать иткән. “Хәерле иртә, инстадусларым һәм дус булмаганнарым! Нигә алай дим, чөнки статистика буенча минем язмаларны 50 процентка якыны язылмыйча гына кереп карый. Наконец-то кыш килергә җыена, ахры. Тышта 23 градус салкын. 2021 ел ахырына якынлашып килә. Киләсе 2022 ел саннары кебек матур һәм барыбыз өчен дә уңышлы булсын иде. Эллари 11 сыйныфны тәмамлап, югыры уку йортына керергә әзерләнә. Ләкин бу үзгәрүчән доньяда киләчәктә перспектив һәм күңелгә ятышлы профессияне сайлавы да авырлаша. Әлегә үзе дә без дә 100 процент төгәл белмибез. Сез ничек уйлыйсыз, бүген иртәгә, киләчәктә нинди һөнәр ияләре кирәкле булачак? Элларига ни киңәш итәр идегез? Ни өчен?” дип язган ул инстаграм сәхифәсендә.