Җиңү өчен рәхмәт!

27 июнь көнне Казанның Үзәк ипподромы янында "Җиңү өчен рәхмәт" дигән авто-шоу узачак. Шоуда Советлар Союзлары Геройлары В. Зайцев, И. Кожедуб, Н. Гастелло, Д. Лавриненко, А. Матросов, А. Покрышкин исемнәрен алган «дрифт» дисциплинасындагы алты спорт болиды (узышлы автомобиле) катнаша. Тамашаны карарга килүчеләр анда югары пилотаж элементларын һәм каскадер трюкларын күрә алачак. Бөек Җиңүнең 70 еллыгына багышланган "Җиңү өчен рәхмәт" туры, Казаннан кала, Россиянең тагын унҗиде шәһәрендә узар дип көтелә. Шул вакыт эчендә «Раунд-Х» командасы 13 мең чакрым юл үтәчәк. Тамаша бушка уздырыла.