#Кыскача яңалыклар 09 гыйнвар 2016, 09:32

Иң уңган фермер Саба районында яши

09 гыйнвар 2016, 09:32

Нияз Хурамшин терлекчелек белән дә, яшелчәчелек белән дә шөгыльләнергә өлгерә. Моннан тыш, авыл хуҗалыгы продукциясенең төрле төрләрен җитештерү һәм аны эшкәртү белән дә шөгыльләнә ул, дип яза "Татар-информ" мәгълүмат агентлыгы.

Скопировать ссылку

Нияз Хурамшин җитәкчелегендәге "Көек" авыл хуҗалыгы тәэмин итү-сату эшкәртү кооперативы 2014 елда барлыкка килгән. Фермер ит, яшелчә, җиләк-җимеш эшкәртә. Ат һәм сыер итеннән ул ысланган һәм пешерелгән колбасалар, шул исәптән казылык, сосискалар җитештерә. Эшмәкәр сәүдә челтәрләренә консервланган помидор, кыяр, алма һәм җиләк тә озата. Булдыклы эшмәкәр декоратив бакчачылык белән шөгыльләнә, питомникларга хас үсемлекләр үстерә. Елдан-ел кооператив башлыгы эшчәнлек даирәсен киңәйтә.

Кызыклы яңалыкларны күзәтеп бару өчен безнең МАХ каналына кушылыгыз.