Ялларга һәм киләсе атна башына һава торышы

Татарстанның Гидрометеорология һәм әйләнә-тирә мохитне күзәтү идарәсе фаразларынча, ял көннәрендә, 28-29 октябрьдә, актив циклонның Россиянең Европа территориясенә чыгуы сәбәпле, безнең төбәктә һава шартлары сизелерлек үзгәрәчәк. Аерым районнарда кар һәм яңгыр, буран, көчле җил, бозлавык көтелә. 
28 октябрьдә һава температурасы төнлә 0..-5 градус, көндез – +2..-1 градус; 29 октябрьдә төнлә шулай ук 0 градуска якын, көндез 0..+5 градус, көньякта  +8 градуска кадәр күтәреләчәк. Юлларда бозлавык. 

Дүшәмбе көнне, 30 октябрьдә, явым-төшемнәр (кар, кар) һәм җилле һава торышы сакланачак. Төнлә һәм көндез һава температурасы +2 дән -2 градуска кадәр көтелә. 

Татарстан Гидрометүзәгенең якынча фаразына караганда, 31 октябрьдә, чираттагы циклон йогынтысында, тагын явым-төшемнәр – төнлә – кар, көндез яңгыр булачак. Температура фоны сизелерлек артачак һәм көндез +5..+10 градус булыр дип фаразлана.

Безнең телеграм-каналга язылыгыз!