Яңа ел төнендә Казанда ничә сабый туган?

Беренче баланың тууы 7 нче номерлы шәһәр хастаханәсендә теркәлгән, дип хәбәр итә Казан мэриясе сайты. 

31 нче декабрьдән 1 нче гыйнварга каршы төндә Татарстан Республикасы башкаласында 29 бала – 14 кыз һәм 15 малай туган.

Беренче булып 2940 грамм авырлыктагы кыз дөньяга килгән. Аның тууы 5:16 сәгатьтә 7 нче номерлы шәһәр клиник хастаханәсенең бала тудыру бүлегендә теркәлгән. Әни кешенең бу беренче баласы, дип хәбәр иттеләр ТР ССМ Казанның Сәламәтлек саклау идарәсендә.