Казанда, Воронежда, Калининградта, Пензада һәм башка шәһәрләрдә җинаятьчеләр мессенджерларда каналлар булдырып, яшүсмерләрне мыскыллый торган фотолар урнаштыралар һәм язманы бетерү өчен акча таләп итәләр икән.
Бу хакта үзенең телеграм-каналында «Куркынычсыз интернет лигасы» директоры Екатерина Мизулина хәбәр итә.
Фотодан тыш, канал авторлары балигъ булмаганнарның шәхси мәгълүматларын тарата.
- Мәгълүматны бетерү өчен банк карталарына 200-350 сум күчерүне таләп итәләр, комментарийда “бурычны кайтару” дип язарга сорыйлар, - дип яза Мизулина.
Ул Генпрокуратурага мөрәҗәгать итәргә вәгъдә итә һәм банкларны мондый түләүләрне тикшерергә чакыра. Зыян күрүчеләр була калса, Мизулина әти-әниләре белән бергә полициягә гариза язарга киңәш итә.
Кызыклы яңалыкларны күзәтеп бару өчен безнең МАХ каналына кушылыгыз.
Комментарийлар