Җиңү сайты эшли башлады

Россиядә Бөек Ватан сугышының 70 еллыгына багышланган рәсми сайт һәм «Җиңүгә Дан!» Бөтенроссия акциясенең мобиль кушымтасы эшли башлады.

Рәсми сайтка may9.ru адресы буенча керергә мөмкин. Анда Бөек Ватан сугышы чорына кагылышлы фотолар һәм видеоматериаллар, сугыш турындагы совет чоры һәм хәзерге заман җырлары, фильмнар урнаштырылган. Шулай ук сайтта Совет информбюросы сводкалары белән танышырга, диктор Юрий Левитан язмаларын тыңларга була. 2015 елның 9 маенда исә сайтта илнең төрле шәһәрләрендә үтүче 14 парад трансляцияләнәчәк.