#Кыскача яңалыклар 26 ноябрь 2020, 09:16

Игътибар! 10 гыйнварга кадәр пиротехника куллану тыела

26 ноябрь 2020, 09:16

Татарстанда 20 декабрьдән 10 гыйнварга кадәр пиротехника куллану тыела. Бу хактагы карарны ТР Премьер-министыр Алексей Песошин имзалады.

Скопировать ссылку

“2020 елның 20 декабреннән 2021 елның 10 гыйнварына кадәр Татарстан Республикасында янгынга каршы махсус режим урнаштырыла”, - диелгән документта.

Документта бәян ителгәнчә, 1-3нче дәрәҗәге куркыныч пиротехника куллану тыела. Бенгаль утлары белән шартлаткычлар искәрмә булып санала.

Сәнәгать предприятиеләре, транспорт инфраструктурасы, ягулык-энергетик комплексларыннан 500 метр, торак-коммуналь һәм авыл хуҗалыгы объектлары, юл һәм кеше күпләп җыелган урыннардан 50 метр ераклыкта петарда һәм фейверк аттыру да тыела.

Кызыклы яңалыкларны күзәтеп бару өчен безнең МАХ каналына кушылыгыз.

#фейерверк #салют #петарда