Илдар Халиков Җиңүнең 70 еллыгына медальләр тапшырды

Бүген Татарстан Республикасы Премьер-министры Илдар Халиков С.П.Горбунов исемендәге Казан авиация заводында - "Туполев" ачык акционерлык җәмгыяте филиалында 35 сугыш ветеранына һәм тыл хезмәтчәненә"1941-1945 еллар Бөек Ватан сугышында Җиңүгә 70 ел" юбилей медальләрен тапшырды. Алар арасында - Казан авиация заводы, Казан вертолет заводы, Казан мотор төзелеше берләшмәсе һәм Казан дары заводы ветераннары бар.

"Без сезнең хезмәтегезне югары бәялибез һәм сезгә патриотик хезмәтегез, яшьләргә йогынтыгыз өчен рәхмәтле", - диде Илдар Халиков һәм ветераннарга Татарстан Президенты Рөстәм Миңнеханов исеменнән сәламәтлек теләде.