Илебез һәрьяклап сыналган чорда без көчле һәм бердәм булырга тиеш,

Чараны Гомумроссия халык фронтының (ГХФ) республика штабы рәистәше Гөлзадә Руденко ачты. 
— Хәрбиләребезгә гуманитар йөк җибәрү эше тукталмый. Илебез һәрьяклап сыналган чорда без көчле һәм бердәм булырга тиеш, - диде ул. 

Кичәдә шулай ук "Татарстан диңгез җыены” җәмәгать оешмасы рәисе Шәүкәт Сөнгатов чыгыш ясады: «Ватанны саклаучылар көне безнең бәйрәмебез, чөнки диңгезчеләр һәрвакыт алда бара. Техника йөри алмаган җирләргә дә аларны җибәрәләр", диде ул.

Чара барышында туган якка, туган җиргә багышланган патриотик рухтагы җырлар яңгырады. Сәхнәдә Салават Фәтхетдинов, Зәйнәп Фәрхетдинова, Алинә Шәрипҗанова, Игнат Изотов, Әмир Әхмәдишин, Илгиз Зәкиев кебек танылган җырчылар, иҗат коллективлары һәм вокаль ансамбльләре чыгышлары тамашачыларның көчле алкышлары астында калды. 

Кунаклар өчен кыр кухнясы да оештырылган иде. Тамашачыларны кайнар чәй һәм карабодай боткасы белән сыйладылар. 
Чара Россиянең атказанган артисты Салават Фәтхетдинов башкаруындагы "Мин яратам сине, Татарстан" җыры белән тәмамланды. 

Адилә Илалова