Иске Мөслим фаҗигасе: шырпы белән уйнап янгын чыгарган кызчык, әтисен коткарырга теләп, үзе һәлак булган

Коткаручылардан алынган мәгълүматлар буенча, гаиләдә 6 кеше яшәгән, янгын чыккан йортны алар арендага алган булганнар. Фаҗига булган көнне әниләре иртәнге алтыда эшкә киткән, ә әтиләре яшь ярым, ике, биш һәм алты яшьлек балалары белән өйдә булган.
Бу вакытта кечкенә баланы әбисе карараган, ә башкаларын күзәтеп торучы булмаган. Әлеге форсаттан файдаланып, ике яшьлек кыз  шырпы белән уйнап алырга булган. Олы балалар сүзләренчә, янгын чыккач, алар урамга йөгереп чыкканнар. Ә шырпы белән уйнап, янгын чыгарган кыз, әтисенең йортта калуын исенә төшереп, кабат кереп киткән. Аны туганнары туктатып кала алмаганнар.