#Кыскача яңалыклар 10 июнь 2021, 09:58

Июньдә пенсия өләшү көннәре үзгәрә

10 июнь 2021, 09:58

«Татарстан почтасы» Федераль почта элемтәсе идарәсе – Россия Почтасының филиалы пенсияне 12, 13 һәм 14нче числолар өчен 11 июньдә түләячәк.

Скопировать ссылку

Бу хакта ТР буенча Пенсия фонды бүлегенең матбугат хезмәте хәбәр итә.

Графиктагы үзгәреш алдан торган ял көннәре белән бәйле.

Билгеләп үтелгәнчә, «Китерү хезмәте» АҖ пенсияне билгеләнгән график нигезендә илтеп җиткерәчәк.

Шулай ук 11 июньдә кредит учреждениеләре аша график буенча пенсия бирү датасы бәйрәм көннәренә туры килгән кешеләргә дә пенсияләр һәм һәм башка социаль пособиеләр түләнәчәк.

Хезмәт һәм мәшгульлек федераль хезмәтендә элегрәк искәртүләренчә, быел 12 июньдә Россия көнен бәйрәм итүгә бәйле рәвештә озын яллар көтелә. Шул рәвешле, россиялеләр 12, 13 һәм 14 июньдә ял итәчәк.

Чыганак: "Татар-информ"

Кызыклы яңалыкларны күзәтеп бару өчен безнең МАХ каналына кушылыгыз.