#Кыскача яңалыклар 18 марта 2019, 11:58

Кама елгасында 10 балыкчы бозда агып киткән

18 марта 2019, 11:58

Кама елгасында ярдан аерылып киткән боз өстендә ун балыкчы калган. Аларны коткарганнар һәм штрафка тартканнар. Бу хакта Автокала мэриясендә узган эшлекле дүшәмбе киңәшмәсендә билгеле булды.

Скопировать ссылку

Узган җомгада төнлә Түбән Кама ГЭСы янында ун кеше балык тотып утырган вакытта боз ярдан аерылып киткән. Ир-атлар коткаручыларга ярдәм сорап мөрәҗәгать иткән. Урынга килгән 6нчы зона эзләү-коткару отряды хезмәткәрләре балыкчыларны яр буена алып чыккан.

Операция нәтиҗәләре буенча тугыз кеше административ җаваплылыкка тартылган, дип хәбәр иттеләр хуҗалык җитәкчеләре киңәшмәсендә. Калынлыгы 20 сантиметрга кадәр кимегән һәм көпшәкләнгән бозга керүен алар «балыкның яхшы чиртүе» белән аңлатырга тырышкан.

Чаллы мэры Наил Мәһдиев «бер килограмм балык» өчен тормышларын куркыныч астына куйган кешеләргә карата йомшаклык күрсәтмәскә чакырды.

Татар-информ

Кызыклы яңалыкларны күзәтеп бару өчен Телеграм-каналга кушылыгыз.