Кара диңгездә су коенганнан соң бала комага китә һәм үлә

7 сентябрьдә баланың үлеме турында кызның әнисе хәбәр итә. Хәзер туганнары кызның гәүдәсен туган ягы Свердловск өлкәсенә алып кайту мәсьәләсен хәл итә.

Екатеринбургта яшәгән кыз әти-әнисе белән бергә Краснодар краеның Лазаревское бистәсендәге Кара диңгездә ял итә. Диңгездә су коенганнан соң баланың хәле кинәт начарлана, агулану билгеләре барлыкка килә. Лазаревский хастаханәсендә кызга ротавирус диагнозы куела, аның фонында баланың баш мие ялкынсына. Кызны реанимация бүлегенә хастаханәгә салалар һәм ИВЛга тоташтыралар.

Кызны алга таба дәвалау өчен махсус реанимация бортында Мәскәүгә китерү мәсьәләсе дә хәл ителә. Әмма яшь пациентның хәле авырлашкач, әти-әнисе баланы башкала клиникасына күчерүдән баш тарта. Өч атна реанимациядә булганнан соң, кызчык үлә.