#Кыскача яңалыклар 14 сентябрь 2021, 11:17

Карбыз белән агулануның сәбәбе аталган, гаепле кеше кулга алынган

14 сентябрь 2021, 11:17

Карбыз ашап, гомерләре өзелгән 61 яшьлек әби һәм аның оныгының канында этиленгликоль дигән агулы матдә табылган.

Скопировать ссылку

Мәскәүдә бер гаиләнең "Магнит" кибетеннән карбыз алып кайтуы, аны ашагач әби белән оныгының гомере өзелүе, тикшерү баруы турында язган идек. Роспотребнадзор агулы арбузда бөҗәкләрне үтерү өчен кулланылган матдә булуын ачыклаган.

Үзәк басмалардан алган мәгълүмат буенча, ике кеше үлемендә гаепләнүче кулга алынган. Бу 39 яшьлек ир - шәхси компания хезмәткәре. Алар "Магнит" кибете бинасын зарарсызландыру буенча эшкәртүләр үткәргән. Дезинфекция өчен кулланылган матдәнең азык-төлеккә эләгү мөмкинлеге фаразлана. Әлеге җинаятьтә гаепләнүче белән тикшерү комитеты эшли, аннан сорау алалар.

Кызыклы яңалыкларны күзәтеп бару өчен безнең МАХ каналына кушылыгыз.