#Кыскача яңалыклар 19 ноябрь 2015, 12:29

Кары да, яңгыры да ява, көчле җил дә көтелә...

19 ноябрь 2015, 12:29

20-23 ноябрьдә Татарстанда һава шартлары сизелерлек начарлана, дип кисәтә синоптиклар.

Скопировать ссылку

20-23 ноябрьдә Татарстанда һава шартлары сизелерлек начарлана, дип кисәтә синоптиклар.

Татарстан Гидрометеорология һәм әйләнә-тирә мохитне күзәтү идарәсе фаразларынча, 20-21 ноябрьдә юеш кар ява, 21е көнбатыш районнарда яңгыр да көтелә. Буран булган җирләрдә күз күреме 500 метр һәм аннан да кимрәк булу ихтималы бар. Кайбер районнарда - бозлавык, урыны белән кар көртләре дә булырга мөмкин. 22-23 ноябрьдә яңгыр ява.

Көньяк-көнчыгыштан һәм көньяктан 15-20 м/с тизлектә җил, урыны белән җилнең тизлеге 24 м/с кадәр җитәр дип көтелә. Температурага килгәндә, аның 0 градустан күтәрелүе көтелә.

Кызыклы яңалыкларны күзәтеп бару өчен безнең МАХ каналына кушылыгыз.