#Кыскача яңалыклар 16 март 2021, 10:10

Кайчан яз җитә?..

16 март 2021, 10:10

Татарстан Гидрометеорология һәм әйләнә-тирә мохитне күзәтү үзәге республикада шимбәгә кадәрге һава торышы турында хәбәр итә. Синоптиклар төбәктә күп кар явуын һәм кинәт җылытуны фаразламый.

Скопировать ссылку

Фаразлаулар буенча, 17 мартта Татарстанда явым-төшем ихтималы аз. Пәнҗешәмбе республика көньяк-көнбатыш циклонның фронталь бүлекчәләре йогынтысындабулачак. Шул сәбәпле, төбәктә болытлы һава торышы көтелә, бераз кар яварга мөмкин. Төнлә һава температурасы -10 градус, ә аязганда -15 градус булачак. Көндез һава температурасы +1 градуска кадәр күтәреләчәк.

Җомга һәм шимбә Татарстанда шулай ук бераз кар яварга мөмкин. Төнлә һава температурасы -6…-11 градус, ә көндез 0…-5 градус булачак.

Чәршәмбе бераз кар, көчле җил һәм һава температурасы -15 градус дип фаразлый синоптиклар.

Чыганак: "Татар-информ"

Кызыклы яңалыкларны күзәтеп бару өчен безнең МАХ каналына кушылыгыз.