Кайсы һөнәрләр якын киләчәктә юкка чыгарга мөмкин?

Эксперт фикеренчә, транспорт хезмәткәрләренә, аерым алганда автобус йөртүче яки метро машинистына шундый куркыныч яный. Тепловоз, электровоз, трамвай, троллейбус һәм автобус йөртүчеләрне дә шундый язмыш көтә. Хисапчы һөнәре юкка чыкмаячак, әмма бик нык үзгәрәчәк икән. Белгеч билгеләп үткәнчә, махсус компьютер программалары хисапчы эшен алыштыра алмаячак, чөнки «финанслар – бик тә шәхси әйбер».