#Кыскача яңалыклар 13 март 2021, 17:16

Казан трамваенда - спектакль?!

13 март 2021, 17:16

Казан яшь тамашачы театры 5нче номерлы трамвайда «Төнге трамвай» дип исемләнгән спектакль-променад әзерли, дип яза Казан мэриясе.

Скопировать ссылку

Спектакль-променадның күренеше 5нче номерлы трамвайның бөтен маршруты буена барачак. Башлангыч тукталышта трамвайга керүче тамашачылар актерларның тавышларын ишетер өчен наушниклар алачак, ә җәмәгать транспортының тәрәзәсе артында алышынучы пейзаж спектакль декорациясе булачак.

Кую төркеме трамвай йөртүчесе белән танышкан инде, спектакль-променад мәйданчыгын караган һәм маршрутны өйрәнгән. Хәзерге вакытта аудиоязманы булдыру өчен артистларның тавышларын яздыру эшләре алып барыла, дип хәбәр ителә шәһәрнең транспорт сайтында.

Куелышның режиссеры – Радион Букаев, композитор һәм тавыш режиссеры – Камил Гатауллин. Сценарий авторы Евгения Карпанина булды.

Кызыклы яңалыкларны күзәтеп бару өчен безнең МАХ каналына кушылыгыз.