Казан зоопаркында Әниләр көнен билгеләп үтәргә килегез!

Казан зооботаника бакчасы шәһәрлеләрне һәм башкала кунакларын "кулинар" мастер-класска чакыра. Анда зоопарк хезмәткәрләре җәнлекләр өчен ашамлыклар әзерләргә өйрәтәләр. Соңыннан бирегә килүчеләр үзләре әзерләгән ризыклар белән җәнлек "әниләрен" сыйлыйлар. Шул рәвешле Казан зоопаркында Әниләр көнен билгеләп үтәчәкләр.

Чара 29нчы ноябрьдә Һ.Такташ ур., 112 адресы буенча урнашкан Казан зооботаника бакчасында, экологик тәрбия мәктәбенең уку-укыту классында 12.00 сәгатьтән 13.30 сәгатькә кадәр уза, дип хәбәр итә kzn.ru.