#Кыскача яңалыклар 26 ноябрь 2018, 15:47

Казанда 11 яшьлек баланы бәрдереп качкан машина йөртүчене эзлиләр

26 ноябрь 2018, 15:47

Казан Дәүләт автоинспекциясе хезмәткәрләре ишегалдында 11 яшьлек ир баланы бәрдергән һәм юл-транспорт һәлакәте урыныннан качып киткән машина йөртүчене эзли.

Скопировать ссылку

Бу хакта “Татар-информ”га шәһәр Дәүләт автоинспекциясендә хәбәр иткәннәр.

“Узган җомга көнне кичке сәгать дүртләр тирәсендә Коләхмәтов урамындагы 17/1 йорты ишегалдында 11 яшьлек ир баланы машина бәрдергән. Юл хәрәкәте кагыйдәләрен бозган машина йөртүче юл-транспорт һәлакәте урыныннан качып киткән”, - диделәр Казан Дәүләт автоинспекциясендә.

Юл-транспорт һәлакәте нәтиҗәсендә малайның аяк буыннары бәрелгән. Табиблар аны карагач, өенә кайтарып җибәргән.

Кызыклы яңалыкларны күзәтеп бару өчен безнең МАХ каналына кушылыгыз.