#Кыскача яңалыклар 18 июнь 2021, 11:45

Казанда 1,5 тонна боз көтелә

18 июнь 2021, 11:45

18-19 июнь көннәрендә Казанда триатлон буенча Ironstar Kazan 2021 Timerman Cup халыкара ярышлар узачак.

Скопировать ссылку

18-19 июнь көннәрендә Казанда триатлон буенча Ironstar Kazan 2021 Timerman Cup халыкара ярышлар узачак.

Программа кысаларында Казансу елгасында йөзү, хатын-кызлар һәм балалар арасында йөгерү ярышлары көтелә.

Триатлон ярышлары ике дистанциядә узачак: 113 чакрым – 1,93 чакрым йөзү, 90 чакрым велосипедта бару, 21,1 чакрым йөгерү һәм олимпия дистанциясе – 1,5 чакрым йөзү, 40 чакрым велосипедта бару, 10 чакрым йөгерү. Ярышларда меңнән артык кеше катнаша, аларның 30 проценты – хатын-кызлар. Араларында хуҗабикәләр дә бар икән. Йөгерү ярышларында исә 300 бала катнаша.

Шуны да әйтергә кирәк, триатлон ярышларында ТР Спорт министры Владимир Леоновның да катнашуы көтелә. Ул бер дә мондый чаралардан читтә калмый, сәламәт яшәү рәвеше алып бара.

Оештыручылар әйтүенчә, триатлон ярышларын үткәрү өчен Түбән Новгородтан 1,5 тонна боз кайтарылачак. “Казанда 500 тонна гына боз табылды”, - ди Ironstar оешмасы җитәкчесе Андрей Кавун. Аның сүзләренчә, ярышлар үткәрү өчен барлык шартлар да булдырылган. “Иминлек чаралары да кайгыртылды”, - ди ул.

Старт иртәнге сәгать 7дә Кремль яр буенда булачак.

Кызыклы яңалыкларны күзәтеп бару өчен безнең МАХ каналына кушылыгыз.