#Кыскача яңалыклар 01 апрель 2021, 11:36

Казанда автобус йөрткән кыз икенче автобус белән бәрелешкән - икесе дә зыян күргән

01 апрель 2021, 11:36

Казанда ике "МАЗ" автобусы бәрелешендә ике кеше җәрәхәт алган. Бу хакта ЮХИДИ хәбәр итә.

Скопировать ссылку

Казанда ике "МАЗ" автобусы бәрелешендә ике кеше җәрәхәт алган. Бу хакта ЮХИДИ хәбәр итә.

Ведомство мәгълүматлары буенча, автобусларның берсенең руле артында 22 яшьлек кыз булган. Ул, Тынычлык урамы буйлап барганда, Динамо урамындагы 17 нче йорт каршында, куркынычсыз дистанцияне үтәмәгән, һава шартлары нигезендә тизлек режимын сайламаган һәм каршысында баручы башка автобус белән бәрелешкән.

Юл-транспорт һәлакәте нәтиҗәсендә автобуста баручы 32 яшьлек пассажирның кул чугы имгәнгән, ә 28 яшьлек пассажир ябык рәвештәге баш сөяге-мие җәрәхәте алган, баш мие селкенгән, башка тән җәрәхәтләре алган. Медицина ярдәме күрсәткәннән соң зыян күрүчеләрне өйләренә җибәргәннәр.

Кызыклы яңалыкларны күзәтеп бару өчен безнең МАХ каналына кушылыгыз.

#ЮХИДИ #дтп #автобус #гибдд