#Кыскача яңалыклар 15 февраль 2017, 05:34

Казанда берничә көн бик күп кар явуы көтелә

15 февраль 2017, 05:34

Татарстанның Гидрометеорология һәм әйләнә-тирә мохиткә мониторинг идарәсе мәгълүматларына караганда, 14еннән алып 19нчы февральгә кадәр Татарстан актив төньяк атлантик циклон һәм аның фронталь бүлекләре йогынтысы астында булачак.

Скопировать ссылку

Шуңа бәйле рәвештә һава торышы шартларының начараюы көтелә: күрү мөмкинлеге начарая, көчле җил булуы мөмкин. Синоптиклар әлеге чорда айлык кар нормасының яртысы явачак дип фаразлый.

Узган тәүлектә Казан урамнарыннан 6 мең 300 тонна кар чыгарылган. Татарстан башкаласы урамнарын чистарту эшенә 587 махсус техника берәмлеге җәлеп ителгән, һәм 758 тонна бозлавыкка каршы материал кулланылган.
Алдагы көндә урамнарны чистарту эшенә 590 җыештыру техникасы җәлеп ителәчәк.

«Шәһри Казан»га Telegramда язылыгыз

Кызыклы яңалыкларны күзәтеп бару өчен безнең МАХ каналына кушылыгыз.