Казанда коточкыч юл һәлакәтендә өч кеше зыян күргән

Агентлыкка билгеле булганча, кичә кичке сәгать бишләр тирәсендә Тэцевская күперендә ике җиңел машина бәрелешкән. Левченко поселогына булган борылыш янында "Лада" һәм "Мазда" бик зур тизлектә маңгайга маңгай сөзешкән. Бәрелешү нәтиҗәсендә. ике машинаны да шундый итеп борган ки, алар бөтен юлны камап алганнар.

Бәрелешү шундый көчле булган ки, безнең ил җиңел машинасы йөртүчесе салон эчендә кысрыкланып калган, аны автомобильдән бары коткаручылар гына махсус җиһазлар ярдәмендә ала алганнар.Әлеге фаҗигадә зыян күргән тагын ике кеше ашыгыч рәвештә хастаханәгә озатылган.