#Кыскача яңалыклар 11 март 2019, 17:21

Казанда кулланучылар хокукларын яклау максатында, кайнар элемтә эшли башлады

11 март 2019, 17:21

«Роспотребнадзор»ның Татарстан республикасы буенча идарәсе белгечләре казанлыларга товарлар сатып алу (шул исәптән интернет аша товар китертү) һәм хезмәт күрсәтүләр мәсьәләләренә кагылышлы сорауларларга аңлатмалар бирә.

Скопировать ссылку

Кайнар элемтә 22 мартка кадәр эш көннәрендә 9.00-17.00 сәгатьләрдә гамәлдә. Консультатцияне 8 (917) 224-87-94 телефоны аша алырга мөмкин.

Россия кулланучылар күзәтчелегенең Татарстан Республикасы буенча идарәсенең матбугат хезмәте хәбәр итүенчә, казанлылар “Татарстан Республикасының гигиена һәм эпидемиология үзәге” учреждениесенең консультатция үзәгенә дә шалтырата ала. Телефон: 8 (843) 221-90-16.
Кайнар элемтә Халыкара кулланучылар хокукларын яклау көненә багышлап оештырыла. Бу дата 1983 елдан башлап һәр елны 15 мартта билгеләп үтелә. Россия Федерациясе әлеге традициягә 1994 елдан кушылды.

Кызыклы яңалыкларны күзәтеп бару өчен безнең МАХ каналына кушылыгыз.