Казанда Кыш Бабайлар велопарады узачак

Велопарад Кабан күле ярыннан алып Бауман урамы һәм «Черек күл» аша Горький паркына кадәр уза. Теләүчеләр Кремль яр буе буенча «Казан» гаилә үзәге янындагы төп чыршы янына һәм «Ак чәчәкләр» бульварына таба маршрутны дәвам итә ала. Велоопарадка кушылу өчен «ВКонтакте» социаль челтәрендә чара бергәлегенә керергә, велосипедны бизәргә һәм Кыш Бабай костюмын кияргә кирәк. Костюм таба алмаган кешеләр өчен оештыручыларда берничә запас кием бар, дип хәбәр итә «Шәһәр проектлары» фондының Казан бүлеге.