#Кыскача яңалыклар 25 июнь 2021, 19:51

Казанда метро станцияләре янындагы кайбер вакцинация пунктлары үз эшләрен туктатачак

25 июнь 2021, 19:51

Казанда метро станцияләре янында коронавируска каршы прививка ясау пунктлары үз эшләрен туктата.

Скопировать ссылку

Казанда метро станцияләре янында коронавируска каршы прививка ясау пунктлары үз эшләрен туктата.

Бу хакта Татарстан сәламәтлек саклау министры урынбасары - Казан сәламәтлек саклау идарәсе җитәкчесе Владимир Жаворонков хәбәр итте.

- Бу, беренче чиратта, эсселек белән бәйле. Чөнки прививка ясау буенча билгеле бер таләпләрне үтәргә кирәк. Препаратларны саклау өлешенә карый бу. Безгә даими рәвештә суыткычлардагы хладагентларны яңартырга туры килә. Әлбәттә, безнең хезмәткәрләр вакцинация күзлегеннән караганда бик үк уңайлы шартларда эшләми. Шуңа күрә без метроның теге яки бу станцияләрендә халыкның активлыгына караячакбыз. Халык кызыксыну күрсәтмәгән җирдә машиналарыбыз эшләмәячәк, - дип билгеләде ул.

Хәзерге вакытта Казанда коронавирустан вакцинацияне метро станцияләре янындагы пунктларда узарга мөмкин. Үзең белән паспорт һәм СНИЛС алырга кирәк. 7.30дан 18.30га кадәр прививканы тугыз метро станциясе: «Авиатөзелеш», «Төньяк вокзал», «Яшьлек», «Кәҗә бистәсе», «Габдулла Тукай мәйданы», «Сукно бистәсе», «Горки», «Җиңү проспекты» һәм «Дубравная» янында ясатырга мөмкин булачак.

Кызыклы яңалыкларны күзәтеп бару өчен безнең МАХ каналына кушылыгыз.