Казанда синхрон йөзү буенча Россия беренчелеге узачак

Ярышларда 15-19 яшьлек яшүсмер кызлар һәм егетләр катнашачак.

Ярышларга 30 командадан 300дән артык спортчы килер дип көтелә, алар арасында берничә дисциплинада 12 комплект медаль уйнатылачак: соло, дуэт, төркем, комби, акробатик төркем, дип хәбәр ителә Россия синхрон йөзү федерациясе сайтында. Теләүчеләр ярышларның трансляциясен сайтта карый алачак.

Беренче ярышлар 27 гыйнварда 11.00-14.00 сәгатьләрдә булачак. Россия беренчелеген ачу тантанасы шул ук көнне 15.30 сәгатьтә узачак, дип хәбәр итә ТР Спорт министрлыгы матбугат хезмәте.