Казанда төп чыршы ачыла

Татарстан башкаласында яшәүчеләрне һәм кунакларны интерактив программа, музыкантлар һәм аниматорлар чыгышлары көтә. Концерт программасының хедлайнерлары – «Болгар кызлары» төркеме, Yuki, Игнат Изотов, Ландыш Нигъмәтҗанова һәм Анастасия Макарова. 

«Казан» гаилә үзәге янында «КышДаКар-фест» фестивале кысаларында бәйрәм сәүдә рәтләре дә оештырылачак. Павильоннарны шәһәр символикасы һәм иллюминациясе белән бизәячәкләр.
Мәйданда балалар өчен аттракционнар булачак. Ә аниматорлар тылсымлы сандыктан бүләкләр белән уеннар тәкъдим итәчәк.