#Кыскача яңалыклар 01 апрель 2017, 08:30

Казандагы хәйрия концертында Муса Җәлилнең кызы Чулпан һәм аның оныклары да катнаша

01 апрель 2017, 08:30

3нче апрельдә С.Сәйдәшев исемендәге Дәүләт зур концертлар залында талантлы яшь артистлар катнашлыгында "Балалар балаларга ярдәм итә" хәйрия концерты уза.

Скопировать ссылку

Анда бөтенроссия һәм халыкара конкурслар җиңүчеләре катнаша. Алар арасында герой-шагыйрь Муса Җәлилнең оныклары да бар. Программаның җитәкчесе һәм авторы - бөек шагыйрьнең оныгы - Татьяна Малышева. Муса Җәлилнең кызы Чулпан Мусаевна чарага мәртәбәле кунак буларак чакырылган.

Билетлар сатудан кергән акчалар Анжела Вавилова исемендәге фондка хоспис төзүгә тотыла.

Концерт 18.30 сәгатьтә С.Сәйдәшев исемендәге Дәүләт зур концертлар залында була.