#Кыскача яңалыклар 08 июль 2016, 12:50

Казанлыларны "Ефәк юл- 2016" узышын карарга чакыралар

08 июль 2016, 12:50

Иртәгә 16:00дә "Татнефть Арена" боз сарае каршында концерт белән Халыкара "Ефәк юл-2016"ның төбәк этабы башлана.

Скопировать ссылку

Иртәгә 16:00дә "Татнефть Арена" боз сарае каршында концерт белән Халыкара "Ефәк юл-2016"ның төбәк этабы башлана.

Бәйрәм кунакларын эстрада йолдызлары чыгышы, мотоциклчылар тамашасы көтә. Күңел ачу өлеше тәмамланганнан соң, 18:00дә С.Хәким урамы буенда 30 илдән килгән 120 экипажның узышы башлана. Узыш "Ривьера"дан "Казан" гаилә үзәгенә кадәрге арада була. Анда үзләренең осталыкларын Татарстан экипажы - КАМАЗ-Мастер да күрсәтәчәк. Раллиның Казан этабы һава торышы нинди булуга да карамастан оештырыла һәм 21:00дә төгәлләнә.

Раллины оештыру комитеты казанлыларны әлеге мавыктыргыч вакыйганы үз күзләре белән күрергә чакыра. Керү ирекле.

10 июльдә спортчылар "КамАЗ"ның туган җире - Чаллыга юл тотачак.

Кызыклы яңалыкларны күзәтеп бару өчен Т елеграмга кушылыгыз.