Казансуда балыклар үлә

Бу хәл турында хәбәр итүчеләр әйтүенчә, башта сулык тирәсендә ят ис барлыкка килгән. Шуңа бәйле рәвештә Татарстанның Экология министрлыгы хезмәткәрләре әлеге өлкәдә махсус оешмалар белән берлектә тикшерүләр уздырган. Арчадан алып Казанга кадәр Казансу елгасыннан тикшерү өчен анализга су алганнар. Күпләп балык үлү очрагы буенча эш ачканнар, административ тикшерү дәвам итә.