#Кыскача яңалыклар 12 июль 2018, 16:54

Көчле яңгырлар нәтиҗәсендә су басып, 200гә якын кеше һәлак булган

12 июль 2018, 16:54

Япониядә су басу нәтиҗәсендә һәлак булучылар саны 199 кешегә җиткән. Япония Министрлар Кабинеты генераль секретаре Есихидэ Суга журналистларга шул хакта хәбәр иткән.

Скопировать ссылку

Бу турыда "Татар-информ" "Интерфакс"ка сылтама белән хәбәр итә.

Есихидэ Суга билгеләп үткәнчә, бу әле соңгы сан түгел, табигать казасыннан зыян күргән районнарда кешеләрне эзләү дәвам итә.

«Без халыкка тиешле уңайлыклар булмаган шартларда һәм вакытлы сыену урыннарында яшәргә туры килмәсен өчен, мөмкин булганның барысын да эшлибез», - дигән Япония премьер-министры Синдзо Абэ.

Куркыныч районнардан эвакуцияләнгән 10 меңгә якын кеше палаткаларда яши.

Узган атнада Япониядә яуган көчле яңгырлар нәтиҗәсендә илнең үзәк һәм көньяк-көнбатыш районнарын су баскан.

Кызыклы яңалыкларны күзәтеп бару өчен Т елеграмга кушылыгыз.