Ир-ат качарга тырышкан, ләкин аны ЮХИДИ хезмәткәрләре тоткарлаган.

Татарстанда урлашкан һәм участковыйны бәрдергән шофер кулга алына. Бу хакта Татарстан буенча Россия Эчке эшләр министрлыгының матбугат хезмәте хәбәр итә.

Кичә Биектау районы полициясенә трактордан әйбер урлау турында хәбәр керә.

Урынга килгән участок полициясе хезмәткәре трактор яныннан «УАЗикка» утырып китеп баручы ике ир-атны күреп ала. Полицейский аны туктатырга тырыша, әмма шофер хокук сакчысын бәрдереп китә һәм ике метр чамасы сөйрәп алып бара.

Йөртүчене тиз арада ЮХИДИ хезмәткәрләре тоткарлый.

«Урлау» маддәсе буенча җинаять эше ачылган. Участоковыйны бәрдерү буенча материаллар республиканың Тикшерү комитетына юлланган.