Киләсе елда булачак БДИ көннәре билгеле

БДИны укучыларның белемен тикшерүнең иң ышанычлы ысулы дигән фикердән кире кайтырга җыенмыйлар.

Мәгариф һәм фән өлкәсендә күзәтчелек федераль хезмәте 2017 елга Бердәм дәүләт имтиханы расписаниесе проектын раслаган, дип яза «Татар-информ» «Интерфакс»ка сылтама белән. 2017 елда Бердәм дәүләт имтиханының вакытыннан алда үтә торган этабы 14 марттан 7 апрельгә кадәр оештырылачак. Ә төп этабы - 26 майдан 30 июньгә кадәр узачак. Узган елдагы кебек үк, дәүләт имтиханнарын үткәрү расписаниесе проектында «июль дулкыны» каралмаган.