Көннәр суыта

Татарстан синоптиклары фаразларына караганда, бүген, 31 октябрьдә, республикада алмашынучан болытлы һава. Урыны белән бераз кар явачак. Төньяк-көнбатыштан талгын җил. Төнлә температура 2-7 градус салкын тәшкил итә, көндез - 0-3 градус салкын. Юлларда - бозлавык.

ТР Гидрометеорология һәм әйләнә-тирә мохитне күзәтү идарәсе белдергәнчә, бүген Казанда болытлы һава, явым-төшем булуы мөмкин. Көндез температура 0-2 градус салкын булса, төнлә - 3-5 градус салкын.

1 ноябрьдә республикада алмашынучан болытлы һава. Урыны белән юеш кар ява. Төнлә температура 3-8 градус салкын, көндез 1 градус җылыдан 3 градуска кадәр салкын булачак.

2 ноябрьдә республикада аязучан болытлы һава. Күпчелек районнарда юеш кар явуы көтелә. Урыны белән - буран. Термометр баганасы 0-5 градус салкынны күрсәтәчәк. Юлларда сак булыгыз!