Коляскага утырган бер яшьлек сабый поезд астында калган

Уралдагы транспорт буенча тикшерү идарәсе тарафыннан 31 яшьлек хатынга карата җинаять эше кузгатылган. Ул Россия Җинаять кодексының 109 нчы маддәсе (саксызлык аркасында үлемгә китерү) буенча гаепләнә.

Беренчел фаразлар буенча, 6 июньдә иртәнге сәгать унда Свердловск өлкәсенең Тугулым районында исерек хәлдә  булган ханым бер яшьлек кызы утырган коляска белән җәяүлеләр йөрү өчен җиһазланмаган урында, туп-туры якынлашучы поезд составы алдына килеп чыга. 

Йөк поезды бала утырган колясканы бәрдереп китә. Сабый алган тән җәрәхәтләреннән соң фаҗига урынында һәлак була.  

Хәлнең бар шартларын ачыклау максатында, тикшерү бара. 

Фото: http://pixabay.com/