#Кыскача яңалыклар 02 апрель 2020, 08:11

Коронавирус җенси юл белән тапшырыла

02 апрель 2020, 08:11

РФ Сәламәтлек саклау министрлыгының баш урологы Дмитрий Пушкарь "Россия 24" телеканалы эфирында хәбәр иткәнчә, коронавирус җенси юл белән тапшырылырга мөмкин, әмма, әлеге йоктыру юлы - төп түгел.

Скопировать ссылку

Пушкарь сүзләренчә, теләсә нинди аралашу, контактка керү - куркыныч, юкка гына медиклар кешеләргә бер-берсеннән ерак торырга киңәш итми.

Вирус таралуның төп юлы - һава-тамчы аша. Ягъни, янәшәдә торучы берәү йөткерсә һәм төчкерсә, ул икенче кешенең тән тиресенә эләгергә мөмкин. Шулай ук вирус предметлар аша тапшырыла, ул аларда берничә тәүлек яшәргә сәләтле. Мәсәлән, вирус кәгазьдә өч тәүлеккә чаклы, ә пластик банк карталарында - тугыз тәүлеккә кадәр яши ала. Медицина битлекләрендә исә бер атна чамасы сакланырга сәләтле.

Кешелек дөньясын коткыга салган бу чир йорт хайваннары өчен куркыныч түгел. Шулай ук кешеләргә алардан коронавирус та йокмый.

Авыру безне читләп үтсен өчен, табиблар кулларны еш юарга, бер-беребездән бер метр ераклык сакларга һәм биткә кул белән тидермәскә киңәш итә.

Кызыклы яңалыкларны күзәтеп бару өчен безнең МАХ каналына кушылыгыз.

#коронавирус