Коронавирусның яңа дулкыны нигә барлыкка килә?

Коронавирусның яңа дулкыннары барлыкка килү нәрсәгә бәйле? Россия Президенты Владимир Путин журналистлар белән очрашуда шул сорауга җавап бирде.

“Коронавирусның яңа дулкыны аның мутацияләнүенә бәйле. Иммунитет дәрәҗәсе бик түбән. Африка илләрендә бигрәк тә. Шуңа да анда яңадан-яңа штаммнар барлыкка килә. Вакциналарны танып, теркәп, аны бөтен дөньяга таратырга кирәк. Шулай эшләмәсәк, без вирус белән яшәячәкбез”, - диде Путин.