"Коронавирустан куркынычрак" эпидемия якынлаша

Табиб һәм телевидение алып баручысы Александр Мясников кешелек дөньясына коронавирус пандемиясеннән куркынычрак эпидемия янавын кисәтә, дип яза Лента.ру. "Коронавирустан куркынычрак булачак ул. Яңа инфекция ике юл белән барлыкка килергә мөмкин. Ике мутация. Берсе - кош яки дуңгыз гриппы терлектән кешегә күчәчәк. Ә икенчесе - кешедән кешегә күчә башлавы" дигән табиб. Аның сүзләренчә, яңа инфекция килү вакыты билгесез. Ул вакытка кадәр галимнәр грипптан яңа универсаль вакцина уйлап табарга тиеш дигән фикер җиткерә ул.