Коронавирустан үлүчеләр саны арта

1969 елгы Казанда яшәүче ханым ике яклы пневмония белән 7нче номерлы хастаханә каршында оештырылган вакытлы госпитальгә урнаштырыла. Коронавирус аңарда лаборатор тикшеренү нәтиҗәсендә ачыклана. 

Сулыш алу авырлашу сәбәпле, хаста вафат була. 

1945 елгы Түбән Кама шәһәре кешесе дә хастаханәгә шундый ук диагноз белән китерелә. Ханымның берничә хроник авыруы булуы хәлне тагын да катлауландыра. Үлем сәбәбе тиешле тикшерү ярдәмендә ачыклана.

Мәрхүмәләрнең якыннарының кайгысын уртаклашабыз. 

Фото: http://pixabay.ru