Краннан «яшел су» акса, кемгә мөрәҗәгать итәргә?

Яңа Савин районы йортларында 30 мартта су яшел төскә буялырга мөмкин. Бу хакта Казан мэриясенең матбугат хезмәтендә хәбәр итәләр.

Суга «Урин-а» дип аталган буяу өстәләчәкләр. Ул Роспотребнадзор тарафыннан рөхсәт ителә һәм кеше сәламәтлеге һәм әйләнә-тирә мохит өчен куркыныч тудырмый. Белгечләр җылылык чыгу урыннарын билгеләү өчен суга махсус буяу кушкан. 

Краннарыннан «яшел су» аккан казанлыларга «Казан җылылык челтәрләре» диспетчерлык хезмәтенә +7(843)291-87-95 (күп каналлы) телефоны буенча шалтыратырга кирәк.