Көрәшчеләрне котлыйбыз!

Татарстан спорт министрлыгының еллык хисап коллегиясендә узган ел уңышка ирешкән бер төркем спортчыларны да бүләкләделәр. Араларында татар көрәшчеләре дә бар иде.

Аерым алганда, сәхнәгә Россиянең халыкара класслы спорт остасы исеменә лаек булган көрәшчеләр - Динар Кәримуллин һәм Ранис Гыйләҗетдиновларга менү насыйп булды. Әлеге мактаулы исемнәрне аларга Россиянең спорт министры Павел Колобков һәм Татарстан Президенты Рөстәм Миңнеханов тапшырды.

Котлауларга без дә кушылабыз!