"Кукмара итекләре" фестиваль-ярминкәсенә Фирдүс Тямаев киләчәк!

Биредә фестиваль катнашучылары күргәзмә һәм сәүдә нокталарын урнаштырачак. Фестивальнең тантаналы ачылышында “Кукмара итекләре” дигән театральләштерелгән тамаша һәм кунакларны сәламләү көтелә. 

13:00-16:00 сәгатьтә район командалары арасында ярышлар узачак. Аның кысаларында иҗади бәйге, спорт эстафетасы оештырыла. Җиңүчеләр 16:15 сәгатьтә бүләкләнә. Барлык катнашучыларга дипломнар, номинацияләр буенча акчалата сертификатлар, “Кукмара итекләре” брендыннан истәлекле бүләкләр тапшырылачак. 

Бүләкләү өлешеннән соң, татар эстрадасы артистлары катнашында бәйрәм концерты булачак. Тамашаның махсус кунагы – Фирдүс Тямаев.

Гомумән, “Кукмара итекләре” фестиваль-ярминкәсендә халык кәсепләре ярминкәсе, киез әйберләр белән сәүдә итү һәм туклану мәйданчыклары эшләр дип көтелә. Теләгән кеше пони, болан һәм хаски белән йөри алачак.