Кыш Бабай резиденциясенең кышкы сезоны Татарстанда 4 декабрьдә ачылачак

Тамашага COVID-19 дан вакцинация турында QR-код буенча яки медотвод турында белешмә белән керергә мөмкин булачак. "Бинага узу (Кыш Бабайны искә алу һәм тамашаны карау) бары тик QR-код яки медотвод белән генә", - диелә резиденция сайтында. Кыш Бабай һәм аның резиденциясендәге барлык әкият геройлары коронавирус инфекциясеннән вакцинация узган. Тантананы ачу көнендә, 4 декабрьдә төрле уеннар, бәйрәм әйлән-бәйләне, салют булачак.

QR-коды булмаган кунаклар коймаклар белән сыйлана һәм фотозоналарда фотога төшә алачак. Кыш бабай балаларга һәм өлкәннәргә бүләкләр өләшәчәк. Кыш Бабай резиденциясе Казаннан 90 чакрым ераклыкта Арча районының Яңа Кырлай авылында урнашкан.