Кызларга карата азгынлык гамәлләре кылган ирне колониягә озатканнар

Тентү вакытында аның өендә күпсанлы су коену киемнәре табылган. Ул аларны еш кына өендә һәм урамда киеп йөргән. Бу хакта Россия Тикшерү комитетының ТР буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

Тикшерү версиясе буенча, Казанда яшәүче 35 яшьлек ир-ат, 2017 елдан 2019 елга кадәр, көчләү кулланмыйча, 10-13 яшьлек кызларны аздырып яшәгән. Аның гамәлләреннән барлыгы сигез укучы зыян күргән. 

Ир-ат гаебен тулысынча таныган. Суд аны җиде елга колониягә җибәргән.