Әлкидә җиләк җыю ярышы узган

"Җиләкле болын тәме - безнең өйләрдә" дигән үзенчәлекле бәйрәм барышында балалар болында ярыша-ярыша җиләк җыеп, савытларын тутырып кайтканнар. Аннан Юхмачыдагы өлкәннәр һәм инвалидлар йортында тәрбияләнүчеләрне җиләк белән сыйлаганнар. Өлкәннәр каен һәм җир җиләге, җиләк кайнатмасы, бүтән тәм-томнардан авыз иткән. Шулай ук аларга җәйге кием-салым да бүләк иткәннәр. Тиздән Фәния, өлкәннәр соравы буенча, авыл үзешчәннәре белән интернатта концерт куярга җыена.