Әлмәтлеләр "Тимер"батальонына гуманитар ярдәм җибәргән

"Азык — төлек, гигиена чаралары, медикаментлар, квадрокоптерлар — батальонга кирәк булган бар нәрсә дә җыелды. Әлеге ярдәм сугышчылар биргән исемлекләр буенча тупланган иде", - дип сөйләде Әлмәт штабы башлыгы урынбасары Вячеслав Колотовкин. Пакетларда шулай ук термо эчке кием, саперлар көрәге, бензин белән кискеч, радиостанцияләр һәм башкалар бар.

Әлмәтнең эре компанияләренең берсе йөкнең төп өлешен исемлек буенча җыйган һәм хәтта моның өчен үзәк склад бүлеп биргән, бирегә шәһәрнең барлык нокталарыннан ярдәм китерелгән.  Шулай ук йөк ташу өчен транспорт бүлеп бирелгән.